Yolande Coop » Seefenatelier

Iwwert ons

D’Mataarbechter am SeefenAtelier zu Betzder produzéieren a verpaken di ganz Seefen an dësem Atelier deen ë bëssi wéi e Labo ausgesäit. Engersäits gëtt hei un Hand vun 2 Maschinne Seef mat Kokosfett produzéiert. Anersäits ass Glyzerin den Haaptbestanddeel vun engem anere Produktiounsprozess. Zousätzlech mëschen d’Mataarbechter d’Zutaten fir Flëssegseef a Buedsalz a fëllen se an di entspriechend Behälter. Ënnerstëtzt vun hiere Betreier produzéieren d’Mataarbechter d’Seefe mat den Aromen a Faarwen no de Wënsch vun de Clienten.

Den Atelier schafft ob Bestellung a beliwwert gläichzäiteg de Buttek zu Betzder an och aner Butteker an der Regioun.

De Seefenatelier bidd folgend Produiten un:

Flëssegseef fir de Kierper an d’Hänn
Seefen am Stéck
Kierf mat engem Assortiment vu Produiten aus dem Atelier

All ons Produite gëtt et an enger Vilfalt vun Dofter.

Doriwwer raus si mir drop spezialiséiert d’Produiten op Wonsch vum Client ze personaliséieren.

Ons Seefe sinn ideal fir den alldeegleche Gebrauch awer och fir vill verschidden Occasiounen, wéi zum Beispill:

Kanddaf
Kommioun
Hochzäit
Jubiläum
Traditionell Fester: Ouschteren, Chrëschtdag, Mammen- a Pappendag, etc.
Firmekaddo a Kaddo fir d‘Ënn vum Joer (zum Beispill mam Logo vun der Firma oder dem Club)

De SeefenAtelier bezitt all d’Inhaltstoffer vun de Seefe vu Gildewerk.

All d’Inhaltsstoffer vu Gildewerk kommen aus nohalteger an artisanaler Produktioun a ginn net op Déiere getest.

De SeefenAtelier schafft no den aktuellste lëtzebuergeschen Hygienesnormen.